161

پریاپرکاش نے مقبولیت میں فیس بک کے بانی کو پیچھے چھوڑدیا

ممبئی(ویب ڈیسک) سوشل میڈیا اسٹار پریا پرکاش نے مقبولیت کے ریکارڈ توڑتے ہوئے فیس بک کے بانی مارک زکر برگ کو بھی پیچھے چھوڑدیا۔

بھارتی میڈیا کے حوالے سے ایکسپریس نیوز نے لکھا کہ چند روز قبل پریاپرکاش نےاپنی پہلی فلم ’’اوروآدھارلو‘‘کے گانے کا ایک چھوٹا سا ویڈیوکلپ اپنے انسٹاگرام اکاؤنٹ پر شیئر کیا تھا، جو دیکھتے ہی دیکھتے اتنا زیادہ وائرل ہوا کہ اس ویڈیو کو محض چند گھنٹوں میں لاکھوں لوگوں نے دیکھا۔ پریاپرکاش نے جس وقت یہ ویڈیو انسٹاگرام پر شیئر کی تھی اس وقت ان کے فالوورز کی تعداد صرف 5000 تھی تاہم چند گھنٹوں میں یہ تعداد بڑھ کر 6 لاکھ سے زائد ہوگئی اور صرف پانچ دن میں پریا کے انسٹاگرام فالوورز کی تعداد 42 لاکھ ہوگئی، اب بھی یہ سلسلہ رکا نہیں ہے اس میں مزید اضافہ ہوتا جارہا ہے یہاں تک کہ پریاپرکاش کے فالوورز کی تعداد 4.5 ملین ہوچکی ہے اور انہوں نے مقبولیت میں فیس بک کے بانی مارک زکر برگ کو بھی پیچھے چھوڑ دیا ہے۔

بھارتی میڈیا کے مطابق مارک زکر برگ نے تقریباً ساڑھے 7 سال قبل فوٹو شیئرنگ ایپ انسٹا گرام پر اکاؤنٹ بنایا تھا اور اس وقت ان کے فالوورز کی تعداد 4 ملین یعنی 40 لاکھ ہے جب کہ پریاپرکاش کے فالوورز کی تعداد محض ایک ہفتے میں 4.5 ملین 45 لاکھ ہوچکی ہے۔

اپنا تبصرہ بھیجیں