59

”میرے پاس خفیہ ادارے کے سربراہ کے خلاف واضح ثبوت موجود ہیںکہ ۔۔۔ “نواز شریف نے سینئر صحافی سہیل وڑائچ سے ایسی بات کردی کہ اسٹیبلشمنٹ بھی دنگ رہ جائے گی

اسلام آباد (ڈیلی پاکستان آن لائن )سینئر صحافی و کالم نگار سہیل وڑائچ نے انکشاف کیا ہے کہ سابق وزیراعظم نواز شریف نے خفیہ ایجنسی کے سابق سربراہ کے خلاف واضح ثبوت ہونے کا دعویٰ کیا ہے ۔اپنے کالم میں سہیل وڑائچ کا کہنا تھا کہ نواز شریف نے بات چیت کے دوران مشرف کے بیرون ملک جانے پر خاموشی کا جواب دیتے ہوئے کہا ”یہ عدلیہ کا فیصلہ تھا اور یہ فیصلہ اس طرح سے کیا گیا تھا کہ ہمارے پاس کوئی چوائس نہیں تھی “۔سہیل وڑائچ نے بتا یا کہ نواز شریف نے ٹیلی فون کر کے کارگل پر کمیشن نہ بنانے کے حوالے سے کہا کہ ”بطور وزیراعظم مجھے سب اداروں کو لے کر چلنا ہوتا ہے،اب میں اپوزیشن میں ہوں تو اب میرے پر کوئی پابندی نہیںاس لیے میں کھلے عام ان باتوں کا اظہار کر سکتا ہوں ۔“اسی گفتگو میں نواز شریف نے کہا کہ ”دھرنوں کے دوران ایک خفیہ ادارے کے سربراہ کی حمایت کے واضح ثبوت ان کے پاس تھے مگر انہیں برداشت کرنا پڑا کیونکہ ملک کو چلانے کے لیے سب اونچ نیچ سے گزرنا پڑتا ہے “۔

اپنا تبصرہ بھیجیں